सुंदर दिसण्यासाठी व चेहऱ्यावरील मुरूम दूर करण्यासाठी हे घरगुती उपाय नक्की करून बघा.

निसर्गाने मनुष्याला सौंदर्याचे वरदान दिले आहेच पण त्यासाठी आरोग्याचा पाया मजबूत असायला हवा. आरोग्य आणि सौंदर्य या वेगवेगळ्या गोष्टी नाहीत. कायमचे आणि मुळापासून सौंदर्य हवे असेल तर आरोग्याचा पाया बळकट असावाच लागतो आरोग्यासाठी जागरुकता ठेवली तर त्यामागोमाग सौंदर्याचा आपसूकप लाभ होतो.

स्त्री आरोग्य, त्वचेची कांती, नितळपणा हा तिने घेतलेल्या शुद्ध व सकस आहारावर अवलंबून असतो. त्वचा स्वच्छ व सुंदर दिसण्यासाठी त्वचा खरवडणे, त्वचेवर केमिकल्स असलेली सौदर्यप्रसाधने वापरणे, या सगळ्यामुळे सौंदर्य मिळणार नाही. सौदर्यासाठी त्वचेची सतेजता, नितळता महत्वाची असते.

त्वचेवर सुरकुत्या पडणे, त्वचा कोरडी पडणे हे सौंदर्याला घातक एक शकते. अशावेळी अंगाला आयुर्वेदिक तेल लावणे उत्तम असते व स्नानाच्यावेळी आयुर्वेदिक उटणे वापरावे. नियमितपणे उटणे वापरल्यास त्वचा मऊ होते, अंगावर खाज येत असल्यास थांबते, अंगाला सुगंध येतो, सुरकुत्यांना प्रतिबंध होतो, त्वचा घट्ट राहण्यास मदत मिळते.

चेहत्याची त्वचा अधिक नाजूक असते. ऊन, वारा यांच्याशी चेहऱ्याचा त्वचेचा अधिक संबंध येत असतो, यामुळे त्वचा काळवंडू नये, कोरडी व निस्तेज होऊ नये, यासाठी आपण घरच्या घरी आयुर्वेदाच्या सहाय्याने तिचे "रक्षण करू शकतो.

मुरुमांमुळे त्वचा खडबडीत होते. सौंदर्यावर त्यामुळे डाग पडतात . चारचौघात जाणे ही त्रासदायक वाटले. मुरुम कोणत्याही वयात येऊ शकतात.तेलकट त्वचेच्या लोकांना मुरुमांचा त्रास जास्त होतो. त्यातही उन्हाळ्यात याचे प्रमाण आणखी वाढते. मुरुम कमी करण्याचा प्रयत्न केल्यास ते वाढतातही. अशावेळी चेहऱ्याला साबण किंवा फेसवॉश न वापरता उटण्याचा फायदा होतांना दिसतो. नियमितपणे उटणे वापरल्यास त्वचा मऊ होते.

तेलकट त्वचा असणाऱ्यांनी उटणे ताकात किंवा दह्यात मिसळून लावावे. म्हणूनचं खाली दिलेल्या काही गोष्टी कडे लक्ष दिले तर मुरमाचा त्रास कमी होऊन सौंदर्यात भर पडेल.

करावयाचे उपाय..........

१) गुलाबपाणी आणि कापूर यांचे मिश्रण बाटलीत भरून फ्रीजमध्ये ठेवा. मुरूम जेव्हा होतील, त्यावेळी कापसाने हे मिश्रण चेहयावर लावा असे केल्याने नक्कीच मुरूम कमी होतील.

२) संपूर्ण चेहयावर मुरूम पसरली असतील तर हळद आणि कडुलिंबाची पाने एकत्र वाटून त्याची पेस्ट तयार करा आणि चेहऱ्यावर लावा. त्याने चेहरा स्वच्छ होईल. कारण लिंबाची पाने रोगप्रतिकारक असतात.

३) उन्हाळ्यात त्वचा तेलकट होते, प्रदुषणामुळे चेहरा काळा पडलो. व नियमितपणे साफ न झाल्यामुळे मुरूम येतात. चेहत्याला स्वच्छ ठेवण्यासाठी बेसनात काकडीचा रस टाकून पेस्ट बनवून चेहऱ्यावर लावल्याने चेहरा साफ व स्वच्छ होतो. हे फेसपॅक चे काम करते.

४) मुलतानी माती पाण्यामध्ये टाकून तिची पेस्ट बनवा. नंतर ती चेहऱ्याला लावा. मुलतानी मातीला दह्यात मिसळूनही लावू शकतो. मुरुमांवर हाही एक जालीम उपाय आहे.